(15 июнь 2020) Илдә эпидемиологик хәл урнашу сәбәпле, Республикакүләм «Гырон быдтон» удмурт мәдәнияте бәйрәме кысаларында оештырылучы чаралар 15 июньнән 27 июньгә кадәр онлайн-форматта узачак.
Белешмә. «Гырон быдтон» удмурт бәйрәме яз-җәй циклында үтүче бәйрәмнәренең берсе. Аның асылында удмуртларның булачак уңышка багышлап дога кылуы тора. Бу бәйрәм удмуртларның күпчелек этник группаларына таныш, шул ук вакытта аның исеме төрле була ала: «Гершыд» (туры мәгънәсе: сабан хөрмәтенә аш (ботка)), «гербер». Язгы чәчү, сабан чәчүеннән соң уздырылучы әлеге бәйрәм Татарстанның удмурт авылларында «Гырон быдтон» (тәрҗемә: сабан азагы) дип йөртелә. Ул печән өсте алдыннан, җәйге кояш тотылуның соңгы көннәрендә үткәрелә.
Онлайн чаралар исемлеге белән сылтама аша узып танышырга мөмкин. Чаралар үтү вакыты һәм урыны буенча өстәмә мәгълүмат безнең порталда урнаштырылачак.
Дуслык йортының мәгълүмат үзәге