14-16 декабрьдә ел саен үткәрелә торган VII Халыкара «Илһамият — VII» сөйләм һәм вокал сәнгате онлайн-конкурс-фестивале узачак.
Конкурс-фестиваль татар телен һәм Идел буе халыклары телләрен популярлаштыру, милли мәдәниятне, гореф-гадәтләрне һәм иҗатны пропагандалау максатыннан үткәрелә.
Конкурста катнашу өчен балалар сәнгать мәктәпләре, балалар музыка һәм гомуми белем бирү учреждениеләре, училищелар укучылары; балалар-яшүсмерләр спорт мәктәбе, мәдәният йорты, район мәдәният йорты, балалар һәм яшьләр коллективлары чакырыла.
Шулай ук конкурсантлар сыйфатында сәнгать һәм мәдәният өлкәсендә урта һәм югары уку йортларында белем алучы студентлар, шулай ук Казан һәм Татарстан Республикасының эстрада сәнгатенә сәләте һәм мәхәббәте булган башка югары уку йортлары студентлары һәм эстраданың яшь артистлары чакырыла (вокал, сөйләм, театр жанрлары).
Гаризалар 2021 елның 7 декабренә кадәр кабул ителә.
Дуслык йортының мәгълүмат үзәге