(1 март 2018) Татарстан Республикасы Президенты Рөстәм Миңнехановны республика халкы төрле телдәге композиция башкарып туган көне белән котлады. Видеотасма социаль челтәрләргә урнаштырылган.
«Бәхетле бул, кайгы күрмә, сагышларга уралма. Туган көнең якты булсын, караңгыда югалма», – дип яңгырый җырның татарча өлешендә.
Рөстәм Миңнеханов 1957 елның 1 мартында ТАССР Балык Бистәсе районының Яңа Арыш авылында туган. 2010 елның 25 мартыннан Татарстан Республикасы Президенты вазыйфасын башкара.