(22 июнь, 2015ел) Студентлар Бразилиянең Сан-Паулу шәһәрендә үткәреләчәк “WorldSkills International-2015” Халыкара чемпионатында катнаша
(Казан, 18 июнь, “Татар-информ”). Күптән түгел “Ворлдскиллс Россия” берлеге “WorldSkills International-2015” Халыкара чемпионатында катнашуга Россия җыелма командасының төп составын раслады. Команда составына Татарстанның 3 студенты – Казан төзелеш көллиятеннән Вениамин Петров, Яр Чаллының В.Д.Поташов исемендәге техник көллиятеннән Равил Заһретдинов һәм Яр Чаллы политехника көллиятеннән Антон Лоскутов та керде.
Искәртеп үтик: “WorldSkills International-2015” Халыкара чемпионаты 11-16 августта Бразилиянең Сан-Паулу шәһәрендә үткәрелә. Анда барганчы, җыелма команда составына кергән егетләр һәм кызлар 8-16 июльдә Анапада әзерлек үтәчәк. Аның кысаларында стресс белән идарә итү, тимбилдинг һәм инглиз телен өйрәнү буенча тренинглар оештырыла, диелә ТР Мәгариф һәм фән министрлыгы матбугат хезмәте хәбәрендә.
«Татар-Информ»