(25 март 2015) Ул — 2012 елдан ТР Инвестицияле үсеш агентлыгы җитәкчесенең беренче урынбасары булган Роберт Галиуллин.
Татарстанның Америка Кушма Штатларындагы сәүдә вәкиле билгеләнде. Ул — 2012 елдан ТР Инвестицияле үсеш агентлыгы җитәкчесенең беренче урынбасары булган Роберт Галиуллин, дип хәбәр итә агентлыкның матбугат хезмәте.
Белешмә өчен. Роберт Галиуллин 1078 елның 23 сентябрендә Баулы районында туган. 1999 елда Россия Эчке эшләр министрлыгының Мәскәү юридик институтын «юрист-хокук белгече» белгечлеге буенча тәмамлаган. 1999-2006 елларда РФ дәүләт хезмәтендә төрле вазифаларын биләгән. 2006-2008 елларда Coalсo Development компаниясендә хезмәт куйган. 2008 елда РФ Төбәкләр үсеше министрлыгында эшләгән. 2009-2012 елларда — Magnet Enterprise компаниясе (БГӘ) генераль директоры. 2012-2015 елларда ТР Инвестицияләр үсеше агентлыгы җитәкчесенең беренче урынбасары булган.
Чыганак: «Татар информ» ИА