(25 гыйнвар, 2016 ел) 5 март көнне Татарстан халыклары Дуслык Йортында “Татарстанның чуаш гүзәле — 2016” (“Тутарстан Чаваш пики-2016”) Республикакүләм матурлык һәм талант кокурсының финал туры үтәчәк.
“Татарстанның чуаш гүзәле” конкурсының төп максаты – яшьләр арасында халык гореф-гадәтләрен, тел һәм мәдәниятны попурярлаштыру. Конкурста Татарстан Республикасының район турларында җиңү яулаган кызлар катнашачак.Финал турының җиңүчеләре “Россиянең чуаш гүзәле” Россиякүләм конкурсында республиканы тәкъдим итәчәк.
Конкурсның программасында 5 номинация буенча чыгыш ясау каралган: видео открытка – визитка (үзең белән таныштыру), чуаш телендә милли ризыкны тәкъдим итү, иҗади чыгыш (үз талантыңны күрсәтү: җыр, бию, актерлык осталыгы һ.б.), блиц (бию һәм интеллектуаль конкурс), бал күлмәкләрен күрсәтү.
Җиңүчеләр махсус бүләк һәм исем иясе булачаклар. 1 урын – “Тутарстан Чаваш пики — 2016” (“Татарстанның чуаш гүзәле – 2016”), 2 урын – “Маттур пике – 2016”, 3 урын – “Сарпике — 2016”.