(17 февраль, 2017 ел) “Яшьлегем – минем белән” әдәби музыкаль кичә танылган язучы, шагыйрь, драматург, әдәбият белгече, җәмәгать һәм дәүләт эшлеклесе Галимҗан Гыйльмановның 60 яшьлек юбилеена багышлана.
Республика матбугат һәм массакүләм коммуникацияләр агентлыгы матбугат хезмәте хәбәр итүенчә, кичәдә юбилярның иҗаты, тормыш юлы сурәтләнәчәк, күңелле очрашулар, котлаулар булачак.
Әлеге чарада Гыйльмановның коллегалары, мөгаллимнәре, укучылары, дуслары, якташлары һәм язучының әнисе дә булачак. Тамашачыларны шулай ук Зөһрә Сәхәбиева, Мирсәет Сөнгатуллин, Айдар Габдинов, Нурзадә, Радик Динәхмәтов, Азамат Гыйльманов һәм башка сәнгать әһелләре сәламләячәк.
Кичәне Луара Шакирҗанова һәм юбиляр үзе алып барачак.
Кичә 17 февральдә 17.00 сәгатьтә башлана.