(15 ноябрь 2018) Бүген Татарстанның Халыклар дуслыгы йорты директоры, Татарстан Республикасы Дәүләт Советы депутаты Ирек Шәриповның туган көне.
Хөрмәтле Ирек Илдур улы!
Туган көнегез уңаеннан булган иң изге теләкләрне кабул итеп алыгыз!
Татарстандагы гомуммилли татулык һәм тотрыклылыкны, халыклар арасындагы аңлашуны саклаудагы, Татарстанның милли-мәдәни автономияләр белән эшләү тәҗрибәсен илебезнең башка төбәкләрендә популярлаштырудагы хезмәтегез өчен Сезгә рәхмәтебезне белдерәбез.
ТР Дәүләт Советының Мәдәният, фән, мәгариф һәм милли сораулар буенча комитет әгъзасы буларак милли сәясәт стратегиясен чынга ашыруга бәйле сорауларны чишүгә керткән өлешегезне аерым билгеләп үтәсе килә.
Иҗтимагый эшегездә һәм профессиональ эшчәнлегегездә зур уңышлар юлдаш булсын!
Сезгә һәм якыннарыгызга бәхет, сәламәтлек һәм иминлек телибез!
Татарстан халыклары Ассамблеясе җитәкчелеге һәм Халыклар дуслыгы йорты хезмәткәрләре