(29 октябрь 2019) Мәскәүдә II Бөтенроссия милли мөнәсәбәтләр өлкәсендәге иң әйбәт практикалар конкурсы җиңүчеләрен бүләкләү тантанасы узды. «Дуслык һәм татулык дәресләре» интерактив мәдәни-белем бирү проекты җиңүче дипломына ия булды.
Бүләкләү тантанасы Россия халыклары Ассамблеясе Советы һәм Россия халыклары яшьләр Ассамблеясе Үзәк координацион советының киңәйтелгән утырышы кысаларында узды.
Бүләкне Татарстанның Халыклар дуслыгы йорты директоры, Татарстан халыклары Ассамблеясе Советы рәисе урынбасары Ирек Шәрипов алды.
Тулы масштабта «Дуслык һәм татулык дәресләре» проекты Татарстанның Халыклар дуслыгы йорты базасында 2016 елдан оештырыла. Тулаем алганда, Татарстан халыклары Ассамблеясенең милли-мәдәни автономияләре эшчәнлеге, республикада яшәүче халыклар һәм җәмгыятьтә тынычлыкны саклаап калу мөһимлеге турында 30 меңгә якын укучы белде. Яңа уку елында проектның экскурсия өлеше һәм концерт программасы яңартылды.
Дуслык йортының мәгълүмат үзәге