«Матбугат.ру» татар порталы Татарстан Республикасы Президенты каршындагы татар телен саклау һәм үстерү мәсьәләләре комиссиясе ярдәмендә «Тәэсир» татар видеороликлар конкурсы үткәрә. Анда һәркем катнаша ала. Эшләр 20 мартка кадәр кабул ителә. Җиңүчеләрне 5 апрельдә игълан итәчәкләр.
Телефонга төшерелгән гадәти булмаган «сторис», юмористик вайн, телевидение өчен сыйфатлы реклама ролигы – бу конкурста төрле жанрлар катнаша ала. Әйтергә кирәк, конкурска татар телендәге видеороликлар гына түгел, ә татар теле һәм татарлар турынлагы рус телләрендә төшерелгән роликлар да кабул ителә.
Беренче урын өчен приз — 50 мең сум, икенче урын өчен — 30 мең сум, өченче урын өчен — 20 мең сум.
Катнашу өчен beige.tatar@mail.ru адресына, түбәндәге мәгълүматны күрсәтеп, электрон хат җибәрегез :
- катнашучының исем-фамилиясе;
- телефон номеры;
- видеога сылтама (файллар рәвешендәге видеороликлар кабул ителми);
- видеороликка аннотация (теләк буенча).
Конкурсның барлык шартларын Bayge.tatar сайтында табарга мөмкин.
Дуслык йортының мәгълүмат үзәге