Бүген Зөлфәт Хәким пьесасы буенча төшерелгән “Телсез күке” нәфис фильмы Татарстан буенча прокатка чыга. Әлеге фильм былтыр төшерелде һәм Халыкара “Алтын мөнбәр” Казан фестивалендә катнашып, Татарстан рәисенең махсус бүләгенә лаек булды.
“Телсез күке”дәге вакыйгалар Совет-фин сугышы вакытында бара. Биредә мәхәббәт тарихы да, дуслык-туганлык, хыянәт тә күрсәтелгән. Төп рольләрне Габдулла Кариев исемендәге яшьләр театры актерлары Илсаф Нәҗипов һәм Эльдар Гатауллин башкара. Ә җырчы Сәидә Мөмәмәтҗанова өчен әлеге кинода төшү – беренче тәҗрибә.
“Телсез күке”не Кукмара, Балтач, Әлки, Питрәч, Чүпрәле, Чистай, Саба районнарында, Алабуга, Болгар, Лаеш, Азнакай, Баулы, Буа, Яңа Чишмә, Чирмешән, Ютазы һәм Балык Бистәсе мәдәният йортларында карарга мөмкин.
Казанда “Телсез күке”не “Мир” кинотеатры күрсәтә.