(26 июнь 2021) Бу көнне матур гадәт буенча Авыл көне дә узды. Тәтеш районының Килдеш авылы халкы кунакларны каршы ала белә, бәйрәм хуҗалары үзләренә хас кунакчыллык белән тәм-томнар пешерәләр, уха әзерлиләр, төрле сый-нигъмәт белән бай өстәлләр әзерлиләр.
Биредә бәйрәм кунаклары фин-угыр халыкларының мәдәнияте һәм көнкүреше белән таныштылар, мордва халкының милли ризыкларын татып карадылар, халык һөнәрчелеге эшләнмәләре күргәзмәсен карадылар, сувенир продукцияне сатып ала алдылар.
Барлык теләүчеләр дә төрле мастер-классларда катнаша алды, ә иң активлар уеннарда һәм «Тюштянь налхксемат» спорт мәйданчыгында уен-көлкедә үз көчләрен һәм җитезлекләрен күрсәттеләр, балалар ялы да күңелле булды.
Тәтешлеләр белән бәйрәм шатлыгын уртаклашырга РФ Дәүләт Думасы депутаты, Татарларның федераль милли-мәдәни автономиясе Советы рәисе Илдар Гыйльметдинов һәм «ТР Муниципаль берәмлекләре Советы» Ассоциациясе рәисе Әгъзам Гобәйдуллин килде. Аларны Тәтеш районы башлыгы Рәмис Сафиуллов һәм җирле мордва милли-мәдәни үзәге җитәкчесе Ирина Николаева каршы алды.