(4 июнь 2015) ТР Милли музее 11-15 июнь көннәрендә Мәскәүдә уздырылачак “ИНТЕРМУЗЕЙ-2015” Халыкара музейлар фестивалендә катнашачак. Чара “Манеж” Үзәк күргәзмәләр залында үтәр дип ниятләнә. Быелгы фестивальнең темасы — “Яңа идеяләр территориясе”.
ТР Милли музее − әлеге фестивальнең даими катнашучысы һәм, быел да, җыйган баллар нәтиҗәсендә, ул фестивальнең 2 нче турына узган. Музей “Материаль булмаган мәдәни байлыкны саклауга юнәлдерелгән иң яхшы проект” номинациясендә көч сынашачак. Моннан тыш, ТР Милли музее, үзенең 120 еллыгына багышланган презинтация чарасы да уздырачак. Фестиваль кысаларында, тәҗрибә уртаклашу, бу өлкәдә яңа технологик мөмкинлекләр, гамәли семинарларда катнашу һ.б. күздә тотыла, диелә ТР Милли музее матбугат хезмәте хәбәрендә.
«Татар-информ»