(30 март, 2017 ел) Татарстанның муниципаль районнарында 2017 елның 22 апрелендә Казанда үтәчәк III Татарстан халыклары Съездына делегатлар сайлау буенча Җәмәгать советлары утырышлары узды.
Татарстанда барлыгы 173 милләт вәкиле яши. Съездда катнашучы делегатлар ике зур группадан сайлана: муниципаль районнардан һәм Татарстан халыклары Ассамблеясе составына керүче милли-мәдәни автономияләрдән.
Тулаем алганда, муниципаль районнар һәм республика шәһәрләреннән Съездда 500 делегат катнашачак. Алар арасында — җирле үзидарә органнары вәкилләре, ветеран һәм җәмәгать оешмалары, мәдәният, мәгариф һәм башка өлкә хезмәткәрләре бар.
Татарстан халыклары Дуслыгы Йорты мәгълүмат үзәге