Халыкара туган тел көне кысаларында социаль челтәрләрдә зур онлайн-акция узачак. Катнашучылар, милли киемнәр киеп, үзләренең туган телләрендә шигырьләр (йә проза) укыячаклар. Видеороликлар #ТатарстанГоворитНаРодном #ВолонтерыКультурыРТ хэштеглары белән социаль челтәрләргә куелачак.
Проект Татарстан Республикасы муниципаль районнарының мәдәният идарәсе һәм «Мәдәният волонтерлары» Бөтенроссия иҗтимагый хәрәкәте тарафыннан Бердәм волонтерлык хәрәкәтләре көне кысаларында оештырыла.
Темалар: Туган тел, Татарстан, Ватанга мәхәббәт, патриотизм, мәдәният.
Мөмкин булган үткәрү урыннары: мәдәни мирас объектлары янында, мәдәният учреждениеләрендә, торак пунктларга кергәндәге сәламләү стелалары фонында.
Максатчан аудитория (саны): район мәдәният волонтерлары, мәдәният учреждениеләре хезмәткәрләре, хезмәткәрләрнең балалары. Катнашучылар саны чикләнмәгән, әмма кимендә 5 видео.
Уздыру форматы: видеороликлар яздыру һәм әлеге видеоларны социаль челтәрләрдә билгеле бер хэштеглар белән урнаштыру.