(18 август 2020) Социаль челтәрләрдә Татарстан халыклары Ассамблеясе һәм Халыклар дуслыгы йорты проекты төрек теле буенча онлайн-дәрестән башланып китте. Дәресне Казан шәһәренең Күпмилләтле якшәмбе мәктәбе укытучысы Энҗе Мәхмүтова үткәрде.
Мондый форматтагы онлайн дәресләр һәр атна Татарстан халыклары Ассамблеясе һәм Халыклар дуслыгы йортының Инстаграм һәм Вконтакте аккаунтларында үтәчәк. Телне өйрәнә башлаучылар өчен барлыгы биш дәрес үткәрү планлаштырылган.
Төрек теле буенча беренче онлайн-дәрестә катнашучылар алфавитның сузык һәм тартык хәрефләрен, шулай ук саннарны өйрәнде. Трансляция диалог режимында барды, теләге булган һәркем үзен кызыксындырган сорауларга җавап алды, укытучы сорауларына да җавап бирде. Туры эфирда катнаша аламаганнар өчен беренче дәреснең видеоязмасы бар.
Дуслык йортының мәгълүмат үзәге