Татарстанның Халыклар дуслыгы йортында «Этномәдәни Казан» милли туристлык маршруты» проекты буенча оештыру киңәшмәсе узды. Аңа милли мәдәниятләр һәм гореф-гадәтләр елында старт биреләчәк. Киңәшмәгә башкалада үз мәдәни үзәкләре булган республиканың дүрт милли берләшмәсе вәкилләре чакырылган иде. (ФОТО)
Проектның максаты — Казан халкын һәм кунакларын экскурсия маршруты барышында төрле халыкларның милли мәдәнияте белән якыннанрак таныштыру.
Оештыручылар үз бурычларын төбәкнең мәдәни традицияләрен, туристларның үз-үзләрен тотыш модельләрен, булган объектларны һәм инфраструктураны исәпкә алып, туристлык продукты булдыруда күрә. Проект — Татарстан, Россиянең башка төбәкләре халкы, чит ил туристлары өчен.
Киңәшмәдә А.С. Пушкин исемендәге мәдәни үзәк, Татарстан Республикасының Немец йорты, «Хэсэд Моше» яһүд иҗтимагый-хәйрия үзәге һәм Я.Е. Емельянов исемендәге мәдәни үзәк вәкилләре катнашты. Бу үзәкләр, Татарстанның Халыклар дуслыгы йортыннан тыш, экскурсия маршрутының төп туристик нокталары һәм яңа проект партнерлары булачак.
«Этномәдәни Казан» проекты Татарстанның Халыклар дуслыгы йорты белгечләре тарафыннан эшләнелде.
Дуслык йортының мәгълүмат үзәге