(29 ноябрь 2019) Картинаның эш барышындагы исеме — «Мин сине сагынам» («Я по тебе скучаю»). Сюжет үзәгендә – тиз арада төзелгән балалар йортындагы төрле милләт балаларына булышучы гаилә. (ВИДЕО)
«Картина, фронтны азык белән тәэмин итү өчен кирәк булган туктаусыз хезмәт, җимерек, ачлык һәм хәерчелекне җиңеп чыгарга булышып, кешеләрне берләштерүче күпмилләтле илнең уртак трагедиясе турында сөйли. Фильм нигезендә вакыйгаларда катнашкан кешеләр хатирәләре», — дип сөйләде кинопроектның продюсеры Татьяна Мерзлякова.
Фильмны төшерү эшләре Татарстанның Буа, Яшел Үзән, Алабуга, Менделеевск һәм Әтнә районнарында алып барылган. Премьера 2020 елның июнь аена планлаштырыла. Фильм Бөек Ватан сугышында Җиңүнең 75 еллыгына һәм ТАССРның 100 еллыгына багышлана.
Дуслык йортының мәгълүмат үзәге