(3 декабрь, 2015 ел) «Без барлык каршылыкларга җавап бирәчәкбез, иҗади һәм җәтиҗәле эш итеп, гомуми иминлек һәм Россия бәрабәренә көч куячакбыз», — дип белдерде президент.
Безнең киләчәк үсеш буенча хәлиткеч сайлау юлы белән берничә тапкыр очрашкан булды. Чираттагы мондый сызыкны без 2014 нче елда Кырым белән Севастопольның Россиягә кушылуы вакытында уздык. Россия үзен меңьеллык тарихка, бөек традицияләргә ия көчле, мөстәкыйль дәүләт буларак танытты – бүген РФ Президенты Владимир Путин РФ Федераль Җыенына юлламасының азагында шундый сүзләр әйтте.
“Бүген Россия халыкара террорчылыкка каршы ачык, турыдан-туры көрәш алып барганда да без ышанычлы төстә эш итәбез. Карарлар кабул итеп, аларны чынга ашырабыз, безнең алда торган бурычларны үзебез генә бердәм булып хәл итә алуыбызны аңлыйбыз”, — дип билгеләп үтте Илбашы.
Шул ук вакытта, Президент әйтүенчә, Россия ул – нык үзгәреп торучан глобаль дөньяның бер өлеше. “Без эчке һәм тышкы проблемаларның катлаулылыгын аңлыйбыз. Теләсә нинди үсеш юлында киртәләр, кыенлыклар бар. Без барлык каршылыкларга җавап бирәчәкбез, иҗади һәм нәтиҗәле эш итеп, гомуми иминлек һәм Россия бәрабәренә көч куячакбыз. Бергә алга барып, һичшиксез, уңышка ирешәчәкбез!” – дигән сүзләр белән тәмамлады Путин юллама белән чыгышын.
Мәгълүмат http://tat.tatar-inform.ru сайтыннан алынды