Казан Кремлендә коррупциягә каршылык тематикасына республика иҗади конкурсында катнашкан укучыларны бүләкләү тантанасы узды. Бүләкләнүчеләр арасында Казанның Күпмилләтле якшәмбе мәктәбенең бурят, төрек, грузин, немец һәм украин бүлекләре укучылары да бар иде.
Балалар министрлыклар, ведомстволар һәм иҗтимагый берләшмәләр вәкилләреннән истәлекле бүләкләр алдылар.
Быел коррупциягә каршы конкурста бөтен республикадан 77 малай һәм кыз җиңүче булды, аларның иҗаты — яшь буынның аңлы гражданлык позициясен формалаштыруга керткән өлеше, дип билгеләп үтте Татарстан Республикасы Президенты Аппараты җитәкчесе урынбасары — Татарстан Республикасы Президентының Эксперт департаменты җитәкчесе Игорь Савельев.
Ул, бәйгенең Гран-при ияләре Республика Чыршы бәйрәменә чакырылачак, ә тәкъдим ителгән эшләрнең кайберләре 2022 елга коррупциягә каршы календарь өчен нигез булачак, дип өстәде.
Ел саен үткәрелә торган коррупциягә каршы эшләр конкурсы Татарстан Президенты ярдәме белән даими рәвештә үткәрелә һәм яшьләрне хокукый белемнәргә җәлеп итәргә мөмкинлек бирә, дип билгеләп үтте Татарстан Республикасы Президентының Коррупциягә каршы сәясәт мәсьәләләре идарәсе баш киңәшчесе Александр Лохотская.
«Ел саен бик күп эш килә, быел алар 600 гә якын. Бу иншалар, плакатлар, аппликацияләр, рәсемнәр һәм балалар иҗатының башка формалары. Нәкъ менә иншалар турында сөйләсәк, алар татар һәм рус телләрендә, шулай ук мари, чуваш һәм башка республика халыкларының телләрендә килә. Бүген без һәр номинациядә җиңүчеләрне бүләклибез, алар — республикабызның төрле почмакларыннан килгән балалар», — дип сөйләде Александр Лохотской.
Дуслык йортының мәгълүмат үзәге