(7 ноябрь 2019) Форум эшендә Татарстанның Халыклар дуслыгы йорты директоры, Татарстан халыклары Ассамблеясе рәисе урынбасары Ирек Шәрипов катнашты. (ВИДЕО)
Форум «Саха (Якутия) Республикасы халыклары Ассамблеясе» иҗтимагый хәрәкәтенә 25 ел тулуга багышланган иде.
Катнашучлыра әйтүенчә, форумның исеме Россиянең күпмилләтле, күпконфессияле ил булуы һәм нәкъ менә дуслыкта, бергәлектә аның бөеклеге һәм көче яшеренүе турында төгәл әйтеп тора.
Форум кысаларында түгәрәк өстәл форматында этник берләшмәләр барлыкка килү сәбәпләре һәм алшартлары, Россия халыкларының этносоциаль үсеш мәсьәләләре, РФ субъектларында этникара мөнәсәбәтләрнең бүгенге торышы, РФ дәүләт милли сәясәте Стратегиясен чынга ашыруда гражданлык җәмгыяте институтлары роле, дәүләт хакимиятенең секторара хезмәттәшлеге, социаль ориентацияле коммерцияле булмаган оешмалар һәм бизнес-берләшмәләр турында фикер алыштылар.
Форумда катнашучылар «ММЧ һәм социаль ориентацияле коммерцияле булмаган оешмалар: гражданлык җәмгыятен үстерү хакына хезмәттәшлек», «Социаль ориентацияле коммерцияле булмаган оешмалар арасында грант гаризаларын әзерләүдә туган проблемалар» һәм «Минем халкымның тавышы: бергәлекне аңлау көче» яшьләр проект сессиясен уздылар.
Дуслык йортының мәгълүмат үзәге