Белоруссия һәм Россия халыклары Берләшкән көнне Татарстанның Югары Ослан районы Печище авылының Татарстан Республикасы Милли музее филиалы Янка Купала музеенда халык язучысы һәм белорус халкының бөек улы тормышына һәм иҗатына багышланган музыкаль-шигъри чара узды.
Янка Купала иҗатын белорус мәдәниятеннән «Ружа Кветка» яшьләр музыкаль-театры, Екатерина Рудейченко һәм Сергей Бутенко составындагы балалар шигъри дуэты, шулай ук Татарстанның Югары Ослан районы балалар сәнгать мәктәбе укытучылары коллективы тәкъдим итте. Яшь талантлар белорус телендә халык шагыйренең «Спадчына» («Мирас») һәм «Вечерина» дигән танылган әсәрләрен башкардылар.
Янка Купала музее базасында «Мин монда үз җиремне күрәм» белорус мәдәнияте залын ачу Татарстанның мәдәни җәмәгатьчелеге өчен мөһим вакыйга булды. Яңа экспозиция белорус мәдәниятенең төп юнәлешләрен, шул исәптән халык традицияләрен, көнкүрешен, әдәбиятын һәм сәнгатен ачык күрсәтә.
Залны ачу тантанасында Татарстан Республикасы Рәисе департаментының эчке сәясәт мәсьәләләре буенча милли сәясәтне гамәлгә ашыру идарәсе башлыгы урынбасары Евгений Ефимов, Татарстанның Югары Ослан районы башкарма комитеты җитәкчесе урынбасары Ирина Алеева, Татарстанның Халыклар Дуслыгы йорты директоры Тимур Кадыйров, А. С. Пушкин исемендәге мәдәни үзәге директоры Галина Елистратова, Татарстан халыклары Ассамблеясе Башкарма комитеты җитәкчесе Ренат Вәлиуллин, Татарстан Республикасы Рус милли-мәдәни берләшмәсе рәисе Ирина Александровская, милли-мәдәни берләшмәләр лидерлары һәм башка бик күпләр катнашты.
Информационный центр ДДНТ