(3 Март 2015) Яр Чаллы шәһәренең “Чишмә” Халык мәдәни үзәге халыклар Дуслыгы Йорты итеп үзгәртелде.
“Чишмә” Халык мәдәни үзәге ике дистәгә якын милли-мәдәни җәмгытьне берләштерә иде. Алар арасында мари, чуаш, удмурт, мордва, башкорт, әрмән, әзербайҗан, грузин һәм башка милли-мәдәни җәмгыятьләр бар. Әлеге җәмгыятьләр 1990 еллар башында ук оешып, чирек гасыр күпмилләтле Чаллы каласында милләтара дуслык-татулыкның төп гаранты булып хезмәт иттеләр. Ә «Чишмә» моннан 14 ел элек кенә мәдәни үзәк буларак теркәлде. Дуслык Йорты шәһәрнең башкарма комитеты рәисе Наил Мәһдиев карары белән рәсмиләштерелде. Милли җәмгыять рәисләре мондый гозер белән шәһәр хакиме белән очрашулар вакытында мөрәҗәгать иттеләр.
Агымдагы елда Дуслык Йортына капиталь ремонт ясау өчен шәһәр бюджетыннан 3,5 млн. сум акча бүлеп бирелде.
Информацион үзәк