(3 апрель 2019) Татарстанның Халыклар дуслыгы йорты Яшел Үзән шәһәрендә «Дуслык һәм татулык дәресе» оештырды. Чарада җирле җиденче сыйныф укучылары төрле милләт кешеләре арасындагы дуслыкның ни дәәҗәдә мөхим булуын белделәр. Дәрес А.С. Пушкин исемендәге №9 лицейда узды. (ФОТО)
ТР Дәүләт Советы депутаты, Татарстанның Халыклар дуслыгы йорты директоры Ирек Шәрипов һәм Яшел Үзән шәһәренең «Лукоморье» рус җәмгыяте җитәкчесе, А.С. Пушкин исемендәге №9 лицей директоры Валентина Кибец балаларга үз теләкләрен җиткерде.
Гадәттәгечә Дәреснед программасы төрле милләт вәкилләре һәм социаль группалар арасындагы дуслык мөнәсәбәтләре мөһимлеге турында өч фильм карадылар: «Моя страна – моя география», «Камил – трус», «Арбуз». Соңыннан интерактив сорау алу үтте: укучылар милләтара темага агылган сорауларга җавап бирделәр, үзара фикер алыштылар.
Чара Халыклар дуслыгы йортының иҗат коллективы тарафыннан әзерләнгән концерт белән тәмамланды. «Сантош» һинд биюе төркеме «Көньяк биюе»н, чараны алып баручы, солистка Анжелика Вакилова «Карлыгачлар» татар җырын, ә Оливер Мукенди «Мин сине яратам» җырын башкарды.
Концерттан соң Дәреснең интерактив өлешендә иң актив булган катнашучыларны бүләкләделәр. Аларга брендлы футболкалар һәм флеш-браслетлар тапшырдылар.
Халыклар дуслыгы йортының мәгълүмат үзәге