Түбән Камада очрашу шәһәрнең Халыклар Дуслыгы йорты базасында узды. Татарстан халыклары Яшьләр Ассамблеясе МУВИ форум-театры тамашасын уйнап күрсәтте, «Күпмилләтле Татарстан» фотопроектын тәкъдим итте, шулай ук национализм һәм экстремизм буенча профилактик фикер алышу үткәрде.
Бөгелмәдә Тимирясов исемендәге Казан инновацион университеты филиалы базасында муниципаль хакимият органнары, фәнни берләшмәләр һәм җәмәгать оешмалары вәкилләре катнашында түгәрәк өстәл узды. Чара барышында яшьләр арасында экстремизм һәм терроризмга каршы эш турында фикер алышынды.
«Мондый очрашулар безнең өчен дә, җирлекләрдәге яшьләр өчен дә бик мөһим. Татартсанның барлык районнарындагы инициатив яшьләрнең берләшүе безнең эшебезгә күп кешеләрнең игътибарын җәлеп итәргә булышачак», — дип сөйләде Амриддин Камолов.
Ике муниципаль районда да киләчәктә Татарстан халыкары Яшьләр Ассамблеясе филиалларын ачу планлаштырыла.
Халыклар Дуслыгы йортының мәгълүмат үзәге