(22 октябрь 2019) «193» кыска метражлы фильмы милләтара тематикадагы иң әйбәт кыска метражлы фильмнар конкурсында беренче урынга лаек булды. Аның авторлары арасында «Анадолу» төрек җәмәгатенең яшьләр бүлеге рәисе Диләрә Дамар да бар.
Конкурста җиңүчеләрне Милләтләр эшләре буенча федераль агентлык оештырган «Поколение» III Россиякүләм патриотик милләтара яшьләр лагере ябылу тантанасында бүләкләделәр.
Россиянең 52 төбәгеннән 170тән артык яшьләр лидерлары тәҗрибәле остазлар (режиссерлар һәм актерлар) кул астында сигез кыска метражлы фильм уйлап тапканнар һәм төшергәннәр. Нәтиҗәдә биш фильмны лаеклы дип тапканнар, Милләтләр эшләре буенча федераль агентлык тәкъдиме белән алар төбәк телеканалларында күрсәтеләчәкләр.
Беренче урынны жюри «193» кыска метражлы фильмына бирде, икенче урынны «Кумек хабе» фильмы, өченче урынны «Письмо» фильмы яулады. Тамашачылар мәхәббәте призы #Человек ролигына тапшырылды.
Дуслык йортының мәгълүмат үзәге