(4 июль, 2016) 8 июль көнне Петербургская урамында урнашкан “Кольцо” сәүдә үзәге янында 16:00 сәгатьтә яшьләр чатыр паркы ачыла. Әлеге чараны Татарстан халыклары Яшьләр Ассамблеясы оештыра.
Программа кысаларында халык иҗат коллективлары чыгышы, милли атрибутика күргәзмәсе, “Многоликий Татарстан” фотокүргәзмәсе, халык сәнгать һөнәре ияләреннән мастер-класслар һәм халык уеннары.
ТР яшьләр эшләре һәм спорт министрлыгы ярдәме белән чараның оештыручылары булып Татарстан халыклары Яшьләр Ассамблеясы һәм Яшьләр мәдәният һәм багланышлар үзәге тора.
Татарстан халыклары Дуслык Йорты мәгълүмат үзәге