«Йортыбыз — Татарстан» Республика этномәдәни фестиваленең өченче зона туры Норлатта узды. Өч сайлап алу турлары нәтиҗәләре буенча барлык катнашучылар саны 1200дән артып китте. (ФОТО)
Чара Норлат шәһәренең Халыклар дуслыгы йорты базасында узды. Бирегә республиканың җиде районыннан коллективлар һәм аерым башкаручылар җыелды: Аксубай, Алексеевск, Яңа Чишмә, Норлат, Спас һәм Чистай районнары. Тулаем алганда, татар, рус, керәшен, кырым татарлары, чуваш һәм үзбәк мәдәниятен чагылдырган 40ка якын чыгыш күрсәтелде.
Барлык коллективлар һәм аерым башкаручылар фестивальдә катнашучы дипломнары белән бүләкләнде. Сайлап алу нәтиҗәләре буенча зона турларында чыгыш ясаган иң әйбәт коллективлар 4 ноябрь, Халыклар бердәмлеге көнендә фестивальнең Казанда узачак Гала-концертына чакырылачак.
Дуслык йортының мәгълүмат үзәге