(19 февраль 2021) Район мәдәният йортында Туган телләр һәм халыклар бердәмлеге елы уңаеннан Татарстан халыклары Ассамблеясе вәкиллеген ачу тантанасы узды. (ФОТО)
Чарада Югары Ослан муниципаль районы башлыгы Марат Зиатдинов, Татарстан халыклары Ассамблеясе Советы башкарма комитеты җитәкчесе Константин Яковлев, ТР Рус милли-мәдәни берләшмәсе идарәсе рәисе Ирина Александровская, ТР әзербайҗаннарының иҗтимагый оешмасы рәисе Бәһрам Мостафаев, ТР әрмән милли-мәдәни автономиясе рәисе Михаил Хачатурян катнашты.
Кунакларны рус, татар, чуаш, әрмән һәм әзербайҗан милли киемнәрендәге кызлар каршы алды. Югары Ослан районындагы вәкиллек җитәкчесе Анна Елисейчева кунакларны район территорисендә эшләүче биш милли-мәдәни оешма җитәкчеләре белән таныштырды.
Чара кысаларында кыскача экскурсия һәм курчаклар ясау буенча мастер-класс үткәрелде.
Чара бәйрәм концерты белән дәвам итте. Анда районның иҗат коллективлары чыгыш ясады, шулай ук Татарстанның Халыклар дуслыгы йортының «Kavkaz Style» ансамбле артистлары һәм Әзербайҗан автономиясе вәкиле Камилә Алескерова катнашты.
Чара истәлеккә фотога төшү белән тәмамланды.
Дуслык йортының мәгълүмат үзәге