(22 апрель 2016) 5 июнь көнне Швейцариянең Женева каласында Сабан туе узачак. Татар-башкортларның Швейцариядәге “Юлдаш” ассоциациясе тарафыннан оештырылачак милли бәйрәмне “Silk Road” рестораны паркында билгеләп үтәргә ниятлиләр.
Сабан туена килүчеләргә зур концерт программасы, милли ризыклар, спорт ярышлары тәкъдим ителә, милли сувенирлар һәм кул эшләнмәләре сәүдәсе оештырыла. Моннан тыш, 4 июнь көнне Женева буенча экскурсия һәм “Бишбармак-party” үткәрү планлаштырыла.