(28 октябрь 2021) Диктант халыкның этнографик грамоталылыгын, Россиядә яшәүче халыклар турындагы белемнәрен бәяләү генә түгел, ә киң җәмәгатьчелек игътибарын милләтара тынычлык һәм татулык мәсьәләләренә юнәлтәчәк.
Диктантта Россия һәм чит ил кешеләре катнаша ала.
Диктантның эш телләре – рус, инглиз, испан теле.
Биремнәр 2021 елның 3 ноябрендә 00.01 сәгатьтә Зур этнографик диктантның рәсми сайтында www.miretno.ru басылачак.
Диктант биремнәре тест рәвешендә рәсмиләштерелгән һәм анда:
– 20 сорау – диктантның гомумфедераль өлеше, барлык катнашучылар өчен бердәм;
– 10 сорау – диктантның төбәк өлеше, Россия Федерациясенең һәр субъекты өчен уникаль;
– 30 мәсьәлә – Россия Федерациясеннән читтә торып катнашучылар өчен бердәм булган сораулар.
Барлык биремнәрне үтәгән өчен максималь баллар суммасы – 100. Диктант узу вакыты – 45 минут.
Диктант узганнан соң катнашучы җаваплары анализланган шәхси нәтиҗәсен ала. Катнашучының җыелган баллары күрсәтелгән сертификаты, диктант узуга ук, аны электрон почтага җибәрү мөмкинлеге белән формалаштырыла.
Диктант беренче тапкыр 2016 елның 4 октябрендә узды, анда Россиянең 90 000 кешесе катнашты. Ә 2020 елда акциягә Россиянең барлык төбәкләреннән һәм дөньяның 123 иленнән 1 742 661 кеше кушылды. Татарстан халкы ел саен иң югары урта балл белән топка кереп, этнографик грамоталылыкның югары дәрәҗәсен күрсәтте.
Дуслык йортының мәгълүмат үзәге