Үзбәкстан Республикасы Тышкы эшләр министры урынбасары Эркин Хамраев җитәкчелегендә Татарстан халыклары Дуслыгы йортында Үзбәкстан делегациясенең ватандашлары белән очрашу узды. (ФОТО)
Очрашуга Казан үзбәк автономиясенең 200дән артык активисты һәм КФУ, КДАУ, КМТТУ, КДЭУ һәм Ветеринария университетында белем алучы Үзбәкстаннан килгән студентлар җыелды.
Президиум составына Үзбәкстан Республикасының Россия Федерациясендәге Гадәттән тыш һәм Тулы вәкаләтле Илчесе Ботирҗон Асадов, Үзбәкстан Республикасының Россия Федерациясендәге Илчелегенең Генераль консулы Мәхриддин Хәйриддинов, Казандагы Үзбәкстан Республикасы Генераль Консуллыгының беренче сәркатибе Азизбәк Разаков, Үзбәкстан мөселманнары идарәсенең халыкара элемтәләр бүлеге мөдире урынбасары Иброһим Иномов, «Татарстан Республикасы үзбәкләренең милли мәдәни автономиясе» идарәсе рәисе Абдумәноб Абдусатаров керде .
Очрашуда үзбәкләрнең Россиядә социаль-мәдәни адаптациясе, Россия Федерациясе законнарын үтәү, наркотикларның законсыз әйләнешенә, экстремизмга һәм терроризмга каршы тору, шулай ук эшкә урнашу мәсьәләләре тикшерелде.
Чара Корбан бәйрәме уңаеннан әзерләнгән плов белән тәмамланды.
ТХДЙның мәгълүмат үзәге