«Амадина тавышы» фестивале туган телләрдә җыр эстрадасын тәкъдим итү һәм популярлаштыруга юнәлдерелгән, этник музыка һәм аны башкаручыларны алга этәрү буенча бөтенроссия яшьләр фестиваль мәйданчыгын булдыруны максат итеп куя.
Фестиваль өч этапта узды. 26 ноябрьдән 9 декабрьгә кадәр гаризалар кабул ителде. Конкурста катнашу өчен үз музыкаль номерыңның видео-гаризасын җибәрергә кирәк иде. РФ территориясендә яшәүче 30дан артык милләт вәкиленнән барлыгы 50дән артык гариза алынган. 9 декабрьдә Фестивальнең Гала-концертына читтән торып сайлап алу үткәрелде, концерт 18 декабрьдә узачак. Махсус кунак – Дагстан Республикасының халык артисткасы, Чечен Республикасының халык артисткасы, «Кавказ тавышы» премиясе иясе Зәйнәб Махаева булачак.
Гала-концертка әзерлек кысаларында 15 финалист Казанга җыелачак. 16-18 декабрьдә аларны остазлар белән эшләү, концерт өчен номер әзерләү, вокал һәм актерлык осталыгы буенча, шулай ук пластика буенча мастер-класслар көтә.
Финалистларның барысы да дипломнар һәм музыкаль уен кораллары кибетенә 10 000 сумлык бүләк сертификатлары белән бүләкләнәчәк.
Дуслык йортының мәгълүмат үзәге