(21 октябрь, 2015 ел) Татарстан халыклары Дуслык Йортында “Татарстан – безнең йортыбыз” республика этно-мәдәни фестиваленең өстәмә сайлап алу туры үтте. Анда Казаннан коллективлар һәм чыгыш ясаучылар катнашты. (ФОТО)
Сайлап алу турында “Алтын” хореография мәктәбе-студиясе, “Виктория” хореография коллективы, “Сантош” һинд биюе коллективы, “Арт-джаз” инструменталь ансамбле, Гөлшәшәк Галәмова һәм Тәлгат Хәсенов вокал-инструменталь дуэты, “Оцнеба” кавказ биюе үзешчән халык ансамбле чыгыш ясадылар.
Катнашучылар жюри игътибарына ике номинация буенча номерлар тәкъдим иттеләр: хореография һәм инструменталь башкару. Коллективлар һәм чыгыш ясаучылар рус, татар, казакъ, һинд һәм кавказ халыклары мәдәниятын ачып бирделәр.
Чыгыш ясаганнан соң һәр катнашучыга фестиваль дипломнары бирделәр. Иң әйбәт коллективлар һәм чыгыш ясаучылар М.Җәлил исемендәге Татар опера һәм балет театрында үтәчәк Гала-концертта катнашачаклар. Әлеге чара 4 ноябрь – Халыклар бердәмлеге көнендә узачак.
Русалина Гайнатулина,
Татарстан халыклары Дуслык Йорты мәгълүмат үзәге