Татарстан Республикасы территориясендә һәм Россия төбәкләрендә яшәүче балалы гаиләләр Халыкара гаилә көнен бәйрәм итү кысаларында гамәлгә ашырыла торган «Гаиләм — иң зур бәхетем» онлайн конкурсына чакырыла.
Конкурс биш номинациядә узачак:
- «Гаилә альбомы»
- «Безнең гаилә мавыгулары»
- «Ә безнең гаиләдә традиция»
- «Гаилә — минем кечкенә ансамбль»
- «Өйдә гаилә белән әзерлибез»
Конкурста катнашкан һәркем электрон дипломнар белән, җиңүчеләр дипломнар һәм истәлекле бүләкләр белән бүләкләнә. Конкурста катнашу өчен гаризалар һәм фотографияләр 2022 елның 30 апреленең 18.00 сәгатькә кадәр moya.semya2022@mail.ru электрон почтасына кабул ителә.
Конкурс турында тулырак — нигезләмәдә.
Дуслык йортының мәгълүмат үзәге