Лаеш районында Татарстан халыклары Ассамблеясе вщкиллеге барлыкка килщчщк

(29 май 2019) Татарстан Республикасының Лаеш шәһәрендә Татарстан халыклары Ассамблеясе һәм Халыклар дуслыгы йорты җитәкчеләре белән район җитәкчелеге катнашында киңәшмә узды. Нәтиҗәдә биредә Ассамблея вәкиллеге ачу турында карар кылдылар.

Киңәшмәдә Татарстан халыклары Ассамблеясе Советының башкарма комитеты җитәкчесе Николай Владимиров, Татарстанның Халыклар дуслыгы йорты директоры, ТР Дәүләт Советы депутаты Ирек Шәрипов, Лаеш районы башкарма комитеты җитәкчесенең беренче урынбасары Андрей Карсалов, Лаеш районы Советы аппараты җитәкчесе Ильнар Хантимеров һәм район башкарма комитетының мәдәният бүлеге җитәкчесе Ильнур Гайниев катнашты.

1

Киңәшмә барышында җитәкчеләр Лаеш районында Татарстан халыклары Ассамблеясе вәкиллеген булдыру һәм район Мәдәният йорты базасында Халыклар дуслыгы йорты ачу мөмкинлеге турында фикер алыштылар.

Ассамблея вәкиллеге өчен биредә офис бүленеп биреләчәк, җирле милли-мәдәни берләшмәләр җитәкчеләре эшчәнлеге өчен эш урыннары каралачак, шулай ук район милли иҗат коллективлары чыгышлары өчен мөмкинлекләр тудырылачак.

2

Әңгәмә барышында Лаешның туристик үзәк буларак үсүенә һәм туристик-мәдәни юнәлештә кызыклы булган җитди инфраструктура объектларына бай булуына басым ясалды. Мисалга, биредә «Кама диңгезе» шәһәр яр-буе пляжы (2018 елда монда 25 мең ял итүче булган) һәм «Зөләйха күзләрен ача» (авт. Гүзәл Яхина) кинотасмасын төшерү өчен махсус төзелгән агач декорацияләр бар.

3

Халыклар дуслыгы йортының мәгълүмат үзәге

Добавить комментарий

bn-of-rt bn-uslugi bn-ufms bn-anrussia bn-prch