Минтимер Шәймиев: «ЮНЕСКО туган телләрдә белем алуны хуплый»

(6 август 2019) Мәгариф системасының матди базасын үстерү балаларга туган телләрендә белем бирү өчен тиешле шартлар тудырырга тиеш. Татарстан Дәүләт киңәшчесе Минтимер Шәймиев Алабугада Х Халыкара мәктәп укытучылары фестивалендә ясаган чыгышында шулай дип белдерде.

093

«Без ел саен мәктәпләр һәм балалар бакчалары төзибез, моны киләчәкне исәпкә алып эшләргә кирәк. Мәгарифнең матди базасына кагыла торган һәр кадак балаларга күптелле белем бирүдә тиешле шартлар тудырырга тиеш», — диде Шәймиев.

Татарстан Дәүләт киңәшчесе республикада күптелле белем бирү үзәкләре челтәре төзелүен искәртте. Аның беренчесе «Адымнар» дип атала.

«Бу – тынычлык һәм килешүгә белем аша бару, бу – заманча проект. Ул әлегә өч телле һәм оттырышсыз вариант», — дип искәртте Шәймиев.

Үз чыгышында Минтимер Шәймиев рус, татар һәм инглиз телләрен белүче укытучылар әзерләүнең әһәмиятенә игътибар юнәлтте.

«Мәгарифтә иң мөһиме – кадрлар әзерләү. Бу кадрлар барысын да хәл итә дигән гыйбарәгә бик тә туры килә», — дип сүзен йомгаклады Татарстанның Дәүләт киңәшчесе.

Татар-информ

Добавить комментарий

bn-of-rt bn-uslugi bn-ufms bn-anrussia bn-prch