Татарстанда «Татарстанның мәдәни бизәге» фестиваленә гаризалар кабул итү дәвам итә

(4 апрель 2019) Татарстан халыклары яшьләр Ассамблеясе тарафыннан оештырылучы «Татарстанның мәдәни бизәге» фестивале Болгарда 4-7 май көннәрендә узачак. Чарада катнашу өчен гаризалар 21 апрельгә кадәр кабул ителә.

Милли характердагы бию, җыр яки башка иҗади чыгышы булган 16-30 яшьтәге егетләр һәм кызлар әлеге фестивальнең катнашучысы була ала. Фестиваль кысаларында күпмилләтле концерт үтәчәк.

Россия Федерациясе гражданнары АИС системасында гариза тутыралар, ә чит ил гражданнары өчен сылтама аша үтеп анкета тутыру зарур.

Оештыручылар синең гаризаңны карасыннан өчен #мант #кмт #кмт2019 хештеглары күрсәтелгән видеога сылтама җибәрергә кирәк.

Видеогариза өч юнәлешнең берсенә туры килергә тиеш:

  • милли компонентлы хореография;
  • милли компонентлы вокал;
  • милли компонентлы әдәби әсәрнең сәнгатьле куелышы.

2013 елдан бирле оештырылучы «Татарстанның мәдәни бизәге» фестивале соңгы тапкыр узган елның май аенда Мамадышта үтте.

Халыклар дуслыгы йортының мәгълүмат үзәге

Добавить комментарий

bn-of-rt bn-uslugi bn-ufms bn-anrussia bn-prch